الإيمان باليوم الآخر (كردي)

ئیمان هێنان به‌رۆژی دوایی

﴿ الإيمان باليوم الآخر ﴾

إعداد : عبد الله صابر كرمياني

ئیمان هێنان به‌رۆژی دوایی

پێناسه‌ی رۆژی دوایی:

ئیمان هێنان به‌رۆژی دوایی یه‌كێكه ‌له‌پایه‌كانی ئیمان،وه‌ده‌قه‌كانی قورئان وسوننه‌ت به‌ڵگه‌ن له‌سه‌ر سه‌ركه‌وتووی ئه‌و كه‌سه‌ی ئیمانی پێیه‌و و كاری بۆ ده‌كات ، وه‌كافر بوونی ئه‌و كه‌سه‌ی ئیمانی پێی نییه‌.

خوای گه‌وره ‌ده‌فه‌رموێت:{ وَلَكِنَّ الْبِرَّ مَنْ آمَنَ بِاللَّهِ وَالْيَوْمِ الْآخِرِ وَالْمَلائِكَةِ وَالْكِتَابِ وَالنَّبِيِّينَ } (البقرة: له‌ الآية177 ) .

واته‌: به‌ڵكو كرداری چاك و كاری باش بریتیه‌له‌وه‌ی كه‌ئاده‌میزاد باوه‌ڕی هێنابێت به‌خواو به‌ڕۆژی دوایی و به‌فریشته‌كان و به‌كتێبه‌كان و به‌پێغه‌مبه‌ران،.

هه‌روه‌ها ده‌فه‌رموێت:{ وَمَنْ يَكْفُرْ بِاللَّهِ وَمَلائِكَتِهِ وَكُتُبِهِ وَرُسُلِهِ وَالْيَوْمِ الْآخِرِ فَقَدْ ضَلَّ ضَلالا بَعِيداً} (النساء: له‌ الآية136).

واته‌: جا ئه‌وه‌ی باوه‌ڕی نه‌بێت به‌خواو فریشته‌کانی و به‌کتێبه‌کانی و به‌پێغه‌مبه‌رانی و به‌رۆژی دوایی، ئه‌وه‌به‌ڕاستی گومڕابووه‌به‌ئه‌وپه‌ڕی گومڕایی.

وه ئیمان هێنان به‌ڕۆژی دوایی‌بریتیه‌له‌ئیمان هێنان به‌و رۆژه‌ی كه‌تیایدا هه‌موو زینده‌وه‌ران زیندوو ده‌كرێنه‌وه‌بۆ گۆره‌پانی مه‌حشه‌ر كۆده‌كرێنه‌وه‌و حه‌ق و حیسابیان له‌گه‌لدا ده‌كرێت ئه‌وه‌ی باش بووه‌ له‌مرۆڤه‌كان بۆ به‌هه‌شت، وه‌ئه‌وه‌ی خراپ بووه‌بۆ دۆزه‌خ ده‌چێت .

جا ئیمان هێنان به‌رۆژی دوایی چه‌ند شتێك ده‌گرێته‌وه‌، له‌وانه‌:

یه‌كه‌م : ئیمان هێنان به‌زیندووبوونه‌وه‌ی مرۆڤه‌كان له‌دوای له‌ناوچوونی دونیاو مردنی سه‌رجه‌م دروستكراوه‌كان .

ئه‌مه‌ش حه‌قیقه‌تێكه‌و نكۆلی له‌راستیه‌كه‌ی ناكرێ . خوای گه‌وره‌ده‌فه‌رموێت: { أَفَحَسِبْتُمْ أَنَّمَا خَلَقْنَاكُمْ عَبَثًا وَأَنَّكُمْ إِلَيْنَا لَا تُرْجَعُونَ } (المؤمنون/١١٥) .

واته‌: ئه‌ی كافران ئێوه‌هه‌روا ئه‌زانن كه‌ئێمه‌هه‌ر به‌بێ هۆ و مه‌به‌ست ئێوه‌مان دروست كردووه‌وه‌ناگه‌رێنه‌وه‌بۆلامان ؟ !!

وه‌ده‌فه‌رمه‌ێت: { يَوْمَ نَطْوِي السَّمَاءَ كَطَيِّ السِّجِلِّ لِلْكُتُبِ كَمَا بَدَأْنَا أَوَّلَ خَلْقٍ نُعِيدُهُ وَعْدًا عَلَيْنَا إِنَّا كُنَّا فَاعِلِينَ } (الأنبياء/104) .

واته‌: وه‌ك چۆن یه‌كه‌م جار دروستمان كردن ئه‌وا دیسان دروستیان ده‌كه‌ینه‌وه‌به‌ڵێنمان داوه‌به‌دڵنیایه‌وه‌ئه‌مه‌به‌كرده‌وه‌ئه‌نجامی بده‌ین .

وه‌هه‌روه‌ها ده‌فه‌رموێت: { ثُمَّ إِنَّكُمْ بَعْدَ ذَلِكَ لَمَيِّتُونَ ، ثُمَّ إِنَّكُمْ يَوْمَ الْقِيَامَةِ تُبْعَثُونَ } (المؤمنون/١٥ـ١٦) .

واته‌: ئێوه‌له‌دوای دروست بوونتان به‌بێ گومان ده‌مرن . پاشان له‌رۆژی دوایی دا زیندوو ده‌كرێنه‌وه‌.

هه‌روه‌ها پێغه‌مبه‌ر (صلی الله علیه وسلم ) ده‌فه‌رموێت :(( یحشر الناس یوم القیامه‌حفاة ....)) واته‌: خه‌ڵكی حه‌شر ده‌كرێن له‌رۆژی دوایی به‌پێ خواسی ، وه‌به‌بێ خه‌ته‌نه‌كراوی .

دووه‌م : ئیمان هێنان به‌حیساب له‌گه‌ڵدا كردن و پاداشت دانه‌وه‌( الحساب والجزاء ) .

واته‌: ئیمان هێنان به‌وه‌ی خوای گه‌وره‌، حه‌ق و حیساب له‌گه‌ڵ به‌نده‌ده‌كات ئینجا پاداشت ده‌درێته‌وه‌به‌گوێره‌ی كرده‌وه‌كانی .

ئه‌مه‌ش سه‌لمیندراوه‌به‌قورئان و سوننه‌ت وكۆڕای موسڵمانان .

خوای گه‌وره‌ده‌فه‌رمویت: { إِنَّ إِلَيْنَا إِيَابَهُمْ ، ثُمَّ إِنَّ عَلَيْنَا حِسَابَهُمْ } (الغاشیة:٢٥/٢٦).

واته‌: به‌دڵنیایه‌وه‌گه‌ڕانه‌وه‌یان بۆلای ئێمه‌یه‌پاشان له‌سه‌ر ئێمه‌یه‌حیساب كردن له‌گه‌ڵیان . هه‌روه‌ها پێغه‌مبه‌ر (صلی الله علیه وسلم ) ده‌فه‌رمووێت :(( لا تزول قدما عبد حتى يسئل عن عمره فيما أفناه ؟ وعن علمه فيم فعل ؟ وعن ماله من أين اكتسبه وفيم أنفقه ؟ وعن جسمه فيم أبلاه )) .

واته‌: له‌ڕۆژی مه‌حشه‌ر به‌نده‌قاچی ناجوڵێنێ و ناڕوات بۆ هیچ لایه‌ك هه‌تا پرسیاری ڵی ده‌كرێت ده‌رباره‌ی ته‌مه‌نی له‌چی دا بردیه‌سه‌ر ؟ وه‌له‌زانستی له‌پێناو چی و بۆچ شتێك بووه‌؟ وه‌له‌ماڵ و سه‌روه‌تی له‌كوێ ده‌ستی كه‌وتووه‌وه‌له‌چی دا سه‌رفی كردووه‌. هه‌روه‌ها له‌چی دا به‌كاری هێنا .

سێ یه‌م : ئیمان هێنان به‌به‌هه‌شت و دۆزه‌خ ( الایمان بالجنة والنار ) .

واته‌: ده‌بێ ئیمانمان هه‌بێ كه‌وا خوای گه‌وره‌به‌هه‌شت و دۆزه‌خی داناوه‌بۆ مرۆڤه‌كان وه‌ك پاداشت و سزا بۆیان .

هه‌ردووكیان خوای گه‌وره‌دروستی كردوون بۆ ئه‌وه‌ی ببن به‌شوێنی هه‌تا هه‌تایی مرۆڤ ، به‌هه‌شت كه‌خانه‌خۆشی و شادی و رابواردن و ره‌زامه‌ندی خوایه‌بۆ چاكه‌كاران، وه‌دۆزه‌خیش كه‌خانه‌ی ناخۆشی و ئێش و ئازارو سزادان و توڕه‌یی خوایه‌بۆ خراپه‌كاران . بوونی راسته‌قینه‌ی به‌هه‌شت و دۆزوخیش ده‌توانم بڵێم زۆربه‌ی زۆری ئایه‌ته‌كانی قورئان به‌ڵگه‌یه‌له‌سه‌ری چ ڕاسته‌وخۆ وه‌چ ناڕاسته‌وخۆ .

خوای گه‌وره‌ده‌فه‌رموێت: { إِنَّ الَّذِينَ آَمَنُوا وَعَمِلُوا الصَّالِحَاتِ كَانَتْ لَهُمْ جَنَّاتُ الْفِرْدَوْسِ نُزُلًا } (الكهف/١٠٧) .

واته‌: ئه‌وانه‌ی ئیمانیان هێناوه‌به‌كرده‌وه‌ی چاكه‌سه‌لماندیان ، ئه‌وا به‌هه‌شت وه‌ك شوێنی میوانداریه‌تی بۆ هه‌تا هه‌تای ئاماده‌كراوه‌بۆیان .

هه‌روه‌ها ده‌فه‌رموێت : { وَمِنَ النَّاسِ مَنْ يُعْجِبُكَ قَوْلُهُ فِي الْحَيَاةِ الدُّنْيَا وَيُشْهِدُ اللَّهَ عَلَى مَا فِي قَلْبِهِ وَهُوَ أَلَدُّ الْخِصَامِ } ( البقرة /24) .

واته‌: خۆتان بپارێزن له‌و دۆزه‌خه‌ی كه‌سوته‌مه‌نیه‌كی بریتی یه‌له‌خه‌ڵكی و به‌رد ، ئاماده‌كراوه‌بۆ كافره‌كان .

وه‌چه‌ندان به‌ڵگه‌ی تر .

به‌گشتی ده‌بێ ئیمانمان هه‌بێ كه‌ڕۆژێك دێت هه‌موو گه‌ردوون له‌ناو ده‌چێت به‌ئیزنی خوداو سه‌ر له‌نوێ زینده‌وه‌ران زیندوو ده‌كرێنه‌وه‌بۆ حه‌ق و حیساب .

وه‌ئیمان بهێنین به‌هه‌موو ئه‌وه‌ی پێغه‌مبه‌ر ( صلی الله علیه وسلم ) ده‌رباره‌ی ئه‌م بنچینه‌یه‌پێ ڕاگه‌یباندووین .

هه‌روه‌ها ئیمان هێنان به‌و شتانه‌ی په‌یوه‌ندی به‌مه‌سه‌له‌ی قیامه‌ت هه‌یه، ‌وه‌ك میزان و صراط وتاقی كردنه‌وه‌ی ناو قه‌بر و عه‌زاب و خۆشی ناو قه‌بر .

سه‌رچاوه‌كان:

١- بیان اركان الایمان، عبدالله صالح القصیر، لاپه‌ڕه‌: ٥٦ .

٢- ئیمان له‌لای ئه‌هلی سوننه‌وجه‌ماعه‌، الیاس محمد، لاپه‌ڕه‌: ١٩و٢٠ .

تطبيق موسوعة بيان الإسلام

الإيمان باليوم الآخر (كردي)

روابط مهمه

اشترك في القائمة البريدية

شركاؤنا