پرسیارێكه له لایهن شێخ عبد العزیز بن باز رهحمهتی خوای لێ بێت، وهڵامی دراوهتهوه، وه ناوهڕۆكی پرسیارهكه ئهمهیه: حوكمی لهدهست و مل كردنی پهت و دهزوو به مهبهستی نههێشتن و لادانی بهڵاو خراپه ؟
حوكمی لهدهست يان له مل كردنی پهت و دهزوو
] kurdish – كوردی – كردي [
شێخ عبد العزیز بن باز
وهرگێڕانی: دهستهی بهشی زمانی كوردی له ماڵپهڕی ئیسلام هاوس
پێداچونهوهی: پشتیوان سابیر عهزیز
2014 - 1435
حكم تعليق الخيط في الرقبة أو اليد
« باللغة الكردية »
الشیخ عبد العزیز بن باز
ترجمه: فريق القسم الكردي في موقع دار الإسلام
مراجعة: بشتيوان صابر عزيز
2014 - 1435
حوكمی لهدهست يان له مل كردنی پهت و دهزوو
ئهم پرسیاره ئاڕاستهی شێخ عبدالعزیز بن باز كراوه ( ڕهحمهتی خوای لێ بێت) :
پرسیار : حوكمی لهدهست و مل كردنی پهت و دهزوو به مهبهستی نههێشتن و لادانی بهڵاو خراپه ؟
وهڵام : سوپاس بۆ خوای گهوره ومیهرهبان، وه درود و صهڵات وسهلام لهسهر محمد المصطفی وئال وبهیت ویار ویاوهرانی ههتا ههتایه .
ههندێك لهو كارانه ڕێگری لێ دهكرێت، چونكه شیرك وهاوبهشدانانی بچووكه، وجۆری نوشتهیه، پیغهمبهریش (صلی الله علیه وسلم) فهرموویهتی : « من تعلق تميمة فلا أتم الله له، ومن تعلَّق ودعة فلا ودع الله له » [ مسند أحمد (4/ 154) ، ومستدرك الحاكم (4/ 240) ، وصححه الحاكم ووافقه الذهبي ] .
واتا : ههركهس دڵی بهنووشتهیهكهوه پابهندكردووه ئهی خوایه بۆی تهواو نهكهیت، ئهوهی كه دڵی به ودعهیهكهوه پابهند كردووه (ودعه مهبهست ئهو شته سپیهیه كه وهك مرواری وایه له دهریا دهردههێنرێت، عهرهبهكان لهسهردهمی نهفامیدا بهكاریان دههێنا بۆ ئهوهی لهزیانی چاوپیسی وجنۆكه پارێزراو بن) ئهی خوایه مهبهستهكهی بهجێ نههێنیت .
له ڕیوایهتێكی تردا هاتووه كه پێغهمبهر (صلی الله علیه وسلم) فهرموویهتی : « من علق تميمة فقـد أشرك » واته : ههركهس نووشتهیــــهك هــهڵبواسێت ئهوه هاوهڵی بۆ خوای گهوره بڕیارداوه ...
كاتێكیش حوزهیفهی كوڕی یهمان (خوای لێ ڕازی بێت) چوو بۆلای پیاوێك بینی كه مهبهستی چاك بوونهوه له گرانهتا پهت و دهزوویهكی كردبوو به خۆیهوه، حوزهیهفه پهتهكهی لهو كابرایه قرتاند و ڕێگریشی لێ كرد، وئهمجا ئهم ئایهتهی بۆ خــوێندهوه : ▬ وَمَا يُؤْمِنُ أَكْثَرُهُمْ بِاللّهِ إِلاَّ وَهُم مُّشْرِكُونَ ♂ [ سورهتی یوسف ئایهتی : 106 ] واتا : جـــا زۆربهی زۆری خهڵکی باوهڕناهێنن به خوای تاك و تهنها، بێ ئهوهی هاوهڵی بۆ بڕیار نهدهن (بێگومان ئیمان و باوهڕی وا هیچ نرخی نیه و خــــــوای گهوره لهو تاوانه خۆش نابێت ) .
لهمهوه ڕوون دهبێتهوه كه ئهم جۆره كاره شیرك وهاوهڵ بڕیاردانه بۆ خوای گهوره، ههڵواسینی پهت و دهزوو و نوشته و موروو، یان ئێسكی ئاژهڵ و موو ودانی گورگ، ههموو ئهمانه كۆمهڵه شتێكی خورافی و پڕوپووچ و نهفامیه، وجۆریكه له خراپه و تاوان و دهبێت ڕێگری لێ بكرێت .
ههر بهو شێوهیه ههڵواسینی نوشتهیهك كه ههندێك جار ئایهتی قورئانیشی تێدایه، و پێی دهڵێن ( الحروز ) واتا : قهڵای قایم، وه پێیشی دهوترێت ( الجامعات ) واتا : كۆكهرهوهكان، ههموو ئهمانه دروست نیین، چونكه پێغهمبهر (صلی الله علیه وسلم) به شێوهیهكی گشتی ڕێگری لهههمووی كردوووه، و ئهو نوشته وپارچه پێستانهش دهگرێتهوه كه قورئان و غهیری قورئانیشی تێدایه، چونكه بهكارهێنانی قورئان لهم جۆره شتانهدا سهردهكێشێت بۆ ئهوهی غهیری قورئانیش، ئهوهش دهرگایهكی شیرك وهاوبهشیدانان بۆ خوای گهوره دهكاتهوه، ههر لهبهر ئهوه دهبینین پێغهمبهری خوا (صلی الله علیه وسلم) فهرموویهتی : « إن الرقـى والتمائم والتولة شرك » [ سنن أبي داود برقم (3883) ، ومستدرك (4 / 241) وصححه الحاكم ووافقه الذهبي ] واتا : واته : ڕوقیه (مهبهست پێی ڕوقیهی نامهشروعه ) ولهگهڵ نووشته و ئهوهی پێی دهوترێت چهوری وشیرینی نێوان ژن وپیاو ههر ههموو شیرك و هاوهڵ بڕیاردانه بۆ خوای گهوره .
مهبهست له ڕوقیهش به شێوهیهكی ناو نههێنراو كه باسكراوه، مهبهست پێی ئهو ڕوقیهیه كه به شێوهیهكی ناشهرعی دهكرێت، ههر بهو شێوهیه دهبینین كه نوشته ههڵدهواسرێت به مناڵدا بهمهبهستی پاراستنی لهچاوی خراپ، یان ههڵدهواسرێت به ئافرهتان ونهخۆشهوه له پێناو پاراستنیان له جنۆكه، ههموو ئهمانه بێگومان كاری خراپن و لهكردهوهی سهردهمی نهفامین .
مهبهستیش له التولة : چهوری وشیرینی نێوان ژن وپیاوانه گوایه ئهو نوشتهیه دهكرێت بۆ ئهوهی ژنان لای پیاوهكانیان خۆشهویست بكهن، ئهوهش جۆرێكه له سیحر و جادوو، پێغهمبهری خوایش (صلی الله علیه وسلم) به شیركی داناوه، چونكه داوای یارمهتی و كۆمهكی له شهیتانهكان وجنۆكهكانی تێدا دهكرێت، ژن و پیاوی جادووگهر بههۆی ئهو جادووهی كه فێری بوون و عیبادهتی جنۆكه و شیهتانهكانی تێدا ئهنجام دهدهن ههندێك شتیان بۆ پێش دێت، ئهویش بۆ ئهوهی زیاتر كهمهندكێشیان بكهن بۆ ناو شیرك وگومڕایی بۆ ئهوهی بهو كارهیان ڕازیان بكهن .
پهت و دهزوویش : جۆرێكن له نوشته و ( تهمائم) ههركهسێك بیكاته دهستیهوه، یان گهردنیهوه، و وا بزانێت كه هۆكاری شیفا وچاك بوونهوهن له نهخۆشی، ئهوهش جۆرێكه له خراپه و تاوان و گوناهـ ، و واجبه كه بپچڕێنرێت و لێ بكرێتهوه ..
خوای گهورهش زاناتره .
سهرچاوه: سایتی شێخی پایه بهرز عبد العزیز بن باز رهحمهتی خوای لێ بێت www.binbaz.org